यसैं बर्ष प्रदर्शनमा आएको बलिउडका सुपरस्टार आमिर खान अभिनित चलचित्र पिकेले बलिउड बक्स अफिसमा कमालको व्यापार गरेपछि २०१५ कै सर्वाधिक सफल चलचित्र बनेको पिकेले बलिउड इतिहासमै नयाँ रेकर्ड तोड्न सफल भयो । हालसम्म यसको व्यापारलाई कुनै पनि चलचित्रले उछिन्न सकेका छैनन् । २०१५ मा केहि चलचित्रले मात्र लगानी सुरक्षित गर्न सफल भएको अवस्थामा बलिउडकी चर्चित नायिका कंगना रनौतले अभिनय गरेको चलचित्र तनु वेड्स मनु रिटर्न्स पनि यस बर्षकै सर्वाधिक सफल चलचित्र बन्न सफल भएको छ । गएको जेठ ८ गते देशव्यापी प्रदर्शनमा आएको यो चलचित्रले सय करोड प्रवेश गरेको छ ।

प्रदर्शनमा आएको पहिलो दिनमानै ९ करोड भारु कमाएको यस चलचित्रले हालसम्म सय करोड भन्दा माथिको व्यापार गरिसकेको भारतीयसञ्चार माध्यमहरुले बताएका छन् । कंगनाको लोभलाग्दो अभिनयले दर्शकको मन जित्न सफल भएकै कारण चलचित्रले उत्कष्ट व्यापार गर्न सफल भएको बताइएको छ । तनु वेड्स मनुको सिक्वेल रहेको तनु वेड्स मनु रिटर्न्समा कंगना रनौत, आर माधवन, जिमी शेरगिल, स्वरा भास्कर, दीपक डोबरियाल, जीशान अयुब आदी कलाकारहरुको मुख्य भुमिका रहेको छ । चलचितत्रलाई आनन्द एल रायले निर्देशन गरेका हुन् ।