अमेरिका,१५ जेठ । गत वैशाख १२ गते अाएको महाभूकम्पले पुर्‍याएको क्षतिको पुन:निर्माण र पीडितलाई सहयाेग गर्न अमेरिकामा ” पीस वाक २०१५ ” (शान्ति पदयात्रा) को अायोजना गरिएको छ । गत मे २४ तारिक गरिएको उक्त शान्ति पदयात्रा नेपालको लुम्बिनी-कपिलवस्तुमा जन्मेका शान्तिका दूत भगवान गौतम बुद्धको २५५९ औं जन्मोस्तवको अवसर पारि आयोजना गरिएको हो । पदयात्रामा गत महिना नेपालमा गत महिना गएको महाविनाशकारी भूकम्पबाट पिडितहरूको लागि सहयोग एवं नेपालको पुनर्निर्माणको लागि केन्द्रित भयको थियो ।
कार्यक्रमको अायाेजना लुम्बिनी-कपिलवस्तु शान्ति अभियानले गरेको हो । अभियानले नेपाललाई परेको पीडामा सहयाेग गर्न सम्पूर्ण नेपालीहरु तथा संघ संथाहरुमा आर्थिंक संकलन गरी टेवा पुर्‍याउन अनुरोध गरेको थियो ।
का‍‍र्यक्रममा बे एरिया नेपाली समाजको उल्लेखनीय उपस्थिति रहेको थियो भने चिसो मौसमको बावजुदपनि उपस्थित सबैले हातमा ब्यानर बोकेर नेपालमा गएको भुकम्पको तस्बिरहरु, अभिलेख र ‘हामि पुन निर्माण गर्ने छौँ ‘ भन्ने नारा लगाउँदै राहत संकलन समेत गरेका थिए ।
बर्क्लीस्थित मार्टिन लुथर जुनियर सिभिक सेन्टर पार्कबाट निस्किएको शान्ति पद्यात्राले बुद्ध स्तुपा परिक्रमा गरि बर्क्ली डाउन टाउन हुँदै यु सी बर्क्ली बिश्वबिद्यालय, युनिभर्सिटी अभेनिउ हुँदै सकिएको थियो । करिब डेढ घण्टा लामो शान्ति पदयात्रामा बे एरिया नेपाली समाजको उल्लेखनीय उपस्थिति रहेको थियो । ‘ भूकम्पमा परि ज्यान गुमाउँनेहरुको सम्झनामा धुप दिप र मैनबत्ति बालेर कार्यक्रमको समापन गरिएको थियो ।
उक्त पदयात्रा कार्यक्रमपछि औपचारिक कार्यक्रम समेत राखेको हुनाले बिभीन्न बक्ताहरुले आफ्नो विचार राखेका थिए । कार्यक्रमको सभापतित्व संस्थाका अध्यक्ष डा‍. किशोर शेरचनले गर्नुभएको थियो भने प्रमुख अतिथिको रुपमा नेपालका पुर्वगृह राज्य मन्त्रि देबेन्द्रराज कडेलको उपस्थिति रहेको थियो।