२०७० सालको सफल चलचित्र ६ एकान ६ पुन प्रदर्शनमा आउने भएको छ । बैशाख १२ गते गएको महाभूकम्पबाट प्रभावित भूकम्पपीडितहरुको सहयोगार्थ चलचित्र ६ एकान ६ पुन प्रदर्शन गरिन लागिएको चलचित्रका कलाकार एवं निर्माता दिपकराज गिरीले जानकारी दिए । आउँदो शुक्रबारबाट राजधानी र मोफसलमा एकसाथ प्रदर्शन हुने जानकारी दिदैं कलाकार एवं निर्माता गिरीले चलचित्रको प्रदर्शनबाट उठेको सम्पुर्ण रकम भूकम्पपीडितहरुलाई प्रदान गरिने बताए । चलचित्रको प्रदर्शनबाट उठेको रकमले भूकम्पका कारण ध्वस्त भएका बस्तीहरुको समेत पुननिर्माण गरिने यस चलचित्रकी निर्माता दिपाश्री निरौलाले जानकारी दिइन । दिनेश डिसी निर्देशित कमेडी चलचित्र ६ एकान ६ मा दिपकराज गिरी,शिवहरी पौड्याल, जितु नेपाल, केदार घिमिरे, सिताराम कट्टेल र नायिका नीता ढुंगाना लगायतका कलाकारहरुको अभिनय रहेको छ ।