रोयल च्यालेन्जर्स बैंग्लोरका कप्तान विराट कोहली र बलिउड अभिनेत्री अनुष्का शर्मा विचको प्रेमसम्बन्धको विषयमा धेरैलाई धेरै थरीको कुरा थाहा होला । लामो समयदेखी प्रेमसम्बन्धमा रहिआएको यो जोडी बेला बेलामा विवादसगैं चर्चामा पनि आउने गरेको छ । यो जोडी प्राय दैनिक जसो भेटिरहन्छन् त्यसैले पनि होला सोमबार आइपिएल क्रिकेटको खेल हेर्न अनुष्का पनि उपस्थित भइन र सोहि बखतमा विराटले अनुष्कालाई भेट्न भ्याए । तर यस पटकको भेट भने क्रिकेटर विराटका लागी अभिसाप बन्यो ।

विराट कोहलीलाई भारतीय क्रिकेट कन्ट्रोल बोर्ड (बिसिसिआइ) ले नियम मिचेर अनुष्कालाई भेटेको भन्दैं चेतावनी दिएको छ। विराटलाई खेलको क्रममा प्रेमिका अनुष्का शर्मासँग कुराकानी गरेको आरोपमा बिसिसिआइले सोमबार अनौपचारिक चेतावनी दिएको भारतीय सञ्चार माध्यमहरूले जनाएका छन्। बैंग्लोरमा आइतबार दिल्ली डेरडेभिल्स विरुद्धको खेलमा विराटले प्रेमिका अनुष्कासँग कुराकानी गरेको बिसिसिआइले बताएको छ। बिसिसिआइको नियम अनुसार कुनै पनि खेलाडीले खेलको क्रममा प्रेमिका तथा श्रीमतीसँग कुराकानी गर्न पाउँदैनन्।