इन्डियन प्रिमियर लिग आइपिएल क्रिकेट अन्तर्गत गएराती भएको खेलमा मुम्बई इंन्डियन्सले सनराइजर्स हैदरावादलाई ९ विकेटले हराएको छ । खेलमा पहिले टस जितेर ब्याटिङ रोजेको हैदरावादले निर्धारित २० ओभरमा मात्र ११३ रन बनायो । हैदरावादका केएल राहुलले सर्वाधिक २५ रन बनाए भने अरु खेलाडीले सम्झन लायक प्रदर्शन गर्न सकेनन ।

हैदरावादले दिएको ११४ रनको लक्ष्य लिन्डेल सिमोन्सको ४८ र पार्थिव पटेलको ५१ रनको मद्दतले १३ दशमलव ५ ओभरमा मात्रै एक विकेट गुमाएर मुम्बईले लक्ष्य भेट्टायो । जितसँगै मुम्बईले प्लेअफमा आफ्नो स्थान सुरक्षित बनाएको छ ।
आइपिएल क्रिकेटकै अर्को खेलमा दिल्ली डेरडेभिल्स र रोयल च्यालेन्जर्स बैंग्लोरबीचको खेल वर्षका कारण प्रभावित भएको छ । खेलमा मिलेको एक अंकका कारण बैंगलोर अन्तिम चारमा पुगेको छ ।