काठमाडौं,३१ बैशाख । अस्ति देखी सम्पर्क विहिन भएको अमेरिकी सेनाको हेलिकप्टरको खोजीकार्य आज पनि विहानै देखी जारीे छ । अमेरिकी सेना र नेपाली सेनाको संयुक्त टोलीले विहानैदेखी दोलखाको विभिन्न स्थानमा खोजीकार्य जारी राखेको छ । सैनिक उच्च स्रोतका अनुसार दोलखास्थित कालिञ्चोकका एक स्थानिय बालकले दिएको सुचनाका आधारमा सैनिक टोलीले आज विहानैदेखी वेपत्ता भएको हेलिकप्टर खोजी गरिरहेको हो ।

स्रोतका अनुसार ति बालकले आफ्नो गाँउ माथी असन्तुलित रुपमा उडेको सो जहाज कालिञ्चोक डाँडातर्फ उडेको बताएपछि सैनिक टोलीले कालिञ्चोक आसपासको क्षेत्रमा अहिले खोजी गरिरहेको छ । दोलखाबाट हिजो काठमाण्डौ ल्याएका ती बालकलाई साथमै लगेर सेनाको हेलिकप्टरले सम्भावित क्षेत्रमा खोजीकार्य जारी राखेको हो ।