तामिल चलचित्रका सुपरस्टार रामचरण तेजाले नेपालका भूकम्प पिडितहरुलाई सहयोग गर्ने भएका छन् । अपोलो हस्पिटलसँग मिलेर उनले नेपालमा गएको शक्तिशाली महाभूकम्पका कारण मृत्यु हुने र घाईते हुने परिवारलाई सहयोग गर्ने उद्घोष गरेका छन् । रामचरण तेजाको यो अभियानमा उनका पिता एवम् अभिनेता चिरञ्जिवीको नाममा स्थापित चिरञ्जिवी च्यारिटेबल ट्रष्ट पनि सहभागी हुने प्रबल सम्भावना रहेको पनि जनाइएको छ। रामचरणले नेपाल पठाउने सहयोगमा जीवनजल, ग्लुकोज तथा खफ सिरप लगायतका समाग्री रहनेछ। स्मरणीय रहोस् गत वर्ष जन्मदिनको अवसर पारेर रामचरणका पिताले चिरञ्जिबीले पशुपतिनाथमा विशेष पूजा गरेका थिए। रामचरण तेजाले सफल तामिल चलचित्रमा अभिनय गरेका छन् भने उनले नायिका प्रियंका कार्कीसँग मिलेर जंजीर नामक बलिउड चलचित्रमा समेत अभिनय गरेका छन् ।