चर्चित हास्य कलाकार दीपकराज गिरीले आफू जीवितै रहेकाले भ्रममा नपर्न सुभेच्छुकहरुलाई आग्रह गरेका छन् । सामाजिक सञ्जाल फेसबुकमा स्टाटस लेख्दै दीपकले केही अनलाईन मिडियामा प्रकाशित समाचारको खण्डन पनि गरेका छन् । दीपकराज गिरी नामका एक व्यक्तिको मृत्यू भएको खबरको शीर्षकलाई सनसनीपूर्ण बनाउन केही अनलाईले ‘दीपकराज गिरीको मृत्यु’ शीर्षक राखेर समाचार प्रकाशित गरेका थिए । जुन समाचारलाई पूरा पढ्न नभ्याएकाहरु हास्यकलाकार दीपकराज गिरीको नै मृत्यु भएछ भन्ने भ्रममा परे । कतिले त उनलाई फोन नै गरेर तपाईं नै हो त बोल्ने सम्म भन्न भ्याए । दीपकले फेसबुकमा लेखेका छन्, ‘समर्थकहरुलाई म जिउँदै रहेको जानकारी गराउँदछु । साथै समाचारमा आएको कुरा अर्धसत्य हो ।