कैलाली,३ बैशाख । कैलालीको अत्तरिया नगरपालिका वार्ड नं.१३ मा रहेको मनहरा खोलामा नुहाउने क्रममा डुबेर आज करिब १२:१५ बजे तिर ३ जना बालिकाको मृत्यु भएको ईलाका प्रहरी कार्यालय मालाखेतीका प्रहरी निरीक्षक कुलदीप चन्दले बताएका छन्। मृत्यु हुनेमा अत्तरिया नगरपालिका वार्ड नं.१३ बस्ने वर्ष १२ की करिस्मा गिरी, धनगढी नगरपालिका वार्ड नं.१ शिवनगर बस्ने वर्ष १२ कै अस्मिता नाथ र अञ्दाजी ९ वर्षकी नाम नखुलेकी अस्मिताकी बहिनी रहेको चन्दले बताएका छन्। नाथ दिदिवहिनी विदाको समयमा आफ्नो फुपुको घर आएको भन्ने जानकारी पाएको प्रहरी निरीक्षक चन्दले जानकारी दिएका छन्। उनीहरु विहीबार दिउँसो करिब सवा १२ बजे खोलामा नुहाउन गएका थिए ।