राष्ट्रिय खबर
काठमाडौं, १ बैशाख। कीर्तिमानी आरोही लाक्पा शेर्पाले विश्वको सर्वोच्च शिखर सगरमाथा सातौंपटक चढ्ने भएकी छन् । लाक्पाले सोमबार काठमाडौमा पत्रकार सम्मेलन गरेर सगरमाथा सातौंपटक आरोहण गर्ने घोषणा गरेकी हुन् । लाक्पाले पहिलोपटक १४ वर्षअघि सगरमाथा आरोहण गरेकी थिइन् ।
उनले पछिल्लोपटक सन् २००६ मा सगरमाथाको आरोहण गरेकी थिइन् । लाक्पा सबैभन्दा धेरैपटक सगरमाथाको आरोहण गर्ने महिला हुन् । अमेरिकामा बस्दै आएकी ४० वर्षीया लाक्पाले नेपालमा जतिसक्दो धेरै विदेशी पर्यटक भित्र्याउनका लागि आफूले सातौंपटक सगरमाथा आरोहण गर्न लागेको बताइन् ।
प्रतिक्रिया