म्याग्दी,२९ चैत । अन्नपूर्ण हिमाल आरोहण गरी फर्किएका एकजना मलेसियन नागरिक एक हप्तादेखि बेपत्ता भएका छन् । अन्नपूर्ण क्षेत्र अन्तर्गत म्याग्दीको भ्रमणमा रहेका ४७ वर्षीय मलेसियन पर्यटक डेनिस ली थिएन फो हराएको जिल्ला प्रहरी कार्यालय म्याग्दीले जनाएको छ ।

३४५३९२८२ नम्बरको मलेसियल पासपोर्ट बोकेका थिएन फो चैत २२ गते दिउँसो १२ देखि २ बजेको बीचको समयमा सम्पर्कविहीन म्याग्दी प्रहरीले जनाएको छ । हराएका पर्यटकको खोजीका लागि म्याग्दी र कास्की प्रहरीको समन्वयमा पर्यटक प्रहरी, टुरिस्ट गाइड, कुकुर, हेलिकप्टर र पर्यटन व्यवसायी संयुक्त रुपमा लागेको म्याग्दीका प्रहरी नायव उपरीक्षक हिराबहादुर गिरीले जानकारी दिनुभयो । डेनिससँगै गएका ८ जना फिलिपिन्स र ७ जना नेपाली भने फर्किएका छन् ।