नेपालगञ्ज,२९ चैत । बाँकेको एक प्लाई उद्योगमा भीषण आगलागी भएको छ । बिद्युतको तार सर्ट भई लागेको आगो नियन्त्रणमा आउन सकेको छैन् । नेपाली सेना, सशस्त्र प्रहरी र नेपाल प्रहरी लगायत उद्धारमा खटिएका छन् । बाँके, समशेरगन्ज ८ हवलद्धारपुरस्थित गणपती प्लाइउडमा राति दुई बजेदेखि आगलागी सुरु भएको  छ ।

इलाका प्रहरी कार्यालय कोहलपुरका अनुसार, बिद्युतको तार सर्ट भएर आगालागी हुँदा उद्योगमा ठुलो क्षति पुगेको छ । चम्पालाल पथला संचालक रहेको उक्त उद्योगमा लागेको आगो निभाउन राति देखिनै नेपालगन्ज उप महानगरपालिकाका दुई र अर्को बर्दियास्थित गुलरिया नगरपालिकाको दमकल प्रयोग भइरहेको छ । सेना, सशस्त्र, नेपाल प्रहरी र स्थानीय पनि आगलागी नियन्त्रणमा जुटेको जिल्ला प्रहरीका प्रमुख एसपी बसन्त पन्तले बताउनुभयो ।