सिरहा, २९ चैत ।  प्रहरीले सिरहाबाट अवैध रुपमा भारततर्फ लैजाँदै गरेको ६३ क्विन्टल ६० किलो सुपारी बरामद गरेको छ । जिल्ला प्रहरी कार्यालयबाट खटिएको प्रहरीको टोलीले बा २ च ६६६७ नम्बरको ट्रकमा राखेर चोहर्वाबाट भारततर्फ लैजाँदै गरेको अवस्था सुपारी बरामद गरेको हो ।

बरामद गरिएको सुपारी आवश्यक कारबाहीका लागि राजस्व अनुसन्धान कार्यालय इटहरीमा पठाइएको जिल्ला प्रहरी कार्यालय सिरहाका प्रहरी निरीक्षक राजकुमार शाहीले जनानकारी दिनुभयो । यस्तै नेपालबाट भारत लैजादै गरेको १६ क्विन्टल सुपारी सहिद गाडी चालकलाई भारतीय प्रहरीले पक्रेको छ । एसएसबीको टोलीले रौतहटको चन्द्रनिगाहपुरका चुडामणी न्यौपानेलाई ना २ च ६१४२ नम्बरको पिक अप भ्यानमा  १५ लाख रुपैयाँ बराबरको १६ क्विन्टल सुपारी लिएर जाँदै गर्दा भारतको इन्दरर्वा नाकाबाट पक्रेको हो । पक्राउ परेका न्यौपानेले चन्द्रनिगाहपुरका व्यापारी सुनिल जयसवालको सामान ओसारेको प्रहरी समक्ष बयान दिएका छन् ।