सन्दिप कुमार बैश्य
बर्दिया,२३ चैत । बर्दियामा विभिन्न जातका अबैध काठ प्रहरीले बरामद गरेको छ । प्रहरीले गुलरिया नगरपालिकाको वार्ड नं. १२ बाट विभिन्न जातका १ सय ९५ क्यू फिट अवैध काठ वरमद गरेको हो । गोप्य सुचनाको आधारमा नेपाल प्रहरी र शसस्त्र प्रहरी वलको सयुक्त टोलीले गुलरिया नगरपालिका वडा नं. १२ खालीपुरुवा भन्ने ठाउँबाट  अवैध काठहरु सागुन ९८ं७५ क्यू फिट , सिसौ ८१.५० क्यू फिट र सालको  १०.७१ क्यू फिट काठ लुखाई छिपाई राखेको अवस्थामा फेल परेको जिल्ला प्रहरी कार्यालयका प्रहरी डि.एस.पी दिपक कुमार बस्नेतले बताए ।

बरामद गरिएको काठमा ३३ थान सिसौ, ४० थान सागुन र २० थान सालको काठ रहेको जिल्ला प्रहरी कार्यालय बर्दियाले जनाएको छ । जिल्ला प्रहरी कार्यालय बर्दियाले विभिन्न जातका २ लाख ९० हजार  पर्ने करिव १ सय ९५ क्यू फिट काठ बरामद गरेको हो  । वरामद गरेका काठहरु कानुन बमोजिम कारबहिका लागि जिल्ला वन कार्यालय बर्दियामा पठाउने कार्य भै रहेको जिल्ला प्रहरी कार्यालय बर्दियाले जनाएको छ ।