काठमाडौँ ,२२ चैत्र।

काठमाण्डौ र ललितपुरका बिभिन्न स्थानमा मोटरसाइकलमा आएर महिलाको सिक्री लुट्ने गिरोहलाई प्रहरीले पक्राउ गरेको छ । काठमाडौंका भित्री सडकमा पैदल हिंड्ने महिलाहरुले सुनका सिक्री लुटेर फरार हुने तथा लुटिएको सिक्री खरिद गर्ने ५ जनालाई प्रहरीले पक्राउ गरेको हो ।

पक्राउ पर्ने मध्ये ३ जना मोटरसाइकलमा गई सिक्री लुट्ने र २ जना लुटिएको सिक्री चोरी गर्ने रहेका छन् । पक्राउ पर्नेहरुमा लुटपाटमा सम्लग्न भनिएका मोरङ् शनिश्चरेका सन्तोष कटुवाल, काभ्रे पाँचखालका राजकुमार तामाङ र गौरादहका विदुर दाहाल रहेका छन् । त्यस्तै सिक्री खरिदको अभियोगमा पक्राउ पर्नेहरुमा इलाम चुलाचुलीका प्रेमकुमार सेन्चुरी र सप्तरी कल्याणपुरका रामहरि श्रेष्ठ रहेका छन् । उनीहरुको साथबाट ८ तोला७५ लाल सुनका विभिन्न गरगहनाहरु, नगद ३ लाख ३४ हजार रुपैयाँ र बा २५ प ८६७६ नम्बरको कालो पल्सर मोटरसाइकल बरामद भएको प्रहरीले जनाएको छ ।