गौशाला,१७ चैत । बलात्कार गरेको आरोपमा महोत्तरीमा एक प्रहरी हवलदार पक्राउ परेका छन् । पक्राउ पर्नेमा जिल्ला प्रहरी कार्यालयमा दरबन्दी भई कार्यरत प्रहरी हवलदार बिजकिशोर यादव रहेको प्रहरी नायब उपरीक्षक लोकेन्द्र श्रेष्ठले बताए । सोमबार साँझ जिल्लाको सोनामाई–१ बस्ने युवती आफ्ना केटा साथीसँग सदरमुकाम जलेश्वर नगरपालिका–४ स्थित न्यू परदेशी एसी होटलमा खाजा खान आएको बेला प्रहरी हवलदार यादवले उनकी साथीलाई कुटपिट गरी भगाई उनलार्इ बलात्कार गरेको पीडितपक्षको आरोप छ ।

घटनापश्चात् पीडितले जिप्रकामा आएर घटनाबारे जानकारी गराउँदा प्रहरी नायब यादवलाई तत्काल पक्राउ गरिएको आवश्यक अनुसन्धान भइरहेको प्रहरी नायब उपरीक्षक श्रेष्ठले बताए । पीडितलाई समेत प्रहरीको महिला सेलमा राखिएको र आज उनको जिल्ला अस्पताल महोत्तरीमा जाँच गराउने जिल्ला प्रहरी कार्यालयले जनाएको छ । रासस