दमक,१६ चैत । झापाको दमकमा भएको दुर्घटनाको बिषयमा समाचार संकलनमा पुगेका हिमशिखर टेलिभिजनका समाचार सह संयोजक सुदिप अधिकारीमाथि शशत्र प्रहरीले कुटपिट गरेको छ । पूर्वपश्चिम राजमार्ग अन्तरगत झापाको दमक–९ मा आज विहान करिव सवा ६ बजे भएको सवारी दुर्घटनामा एक जनाको घटनास्थलमा नै मृत्यु भएको बिषयमा अधिकारी रिपोटिङका क्रममा त्यहा पुगेका थिए ।

ट्रकले पछाडी सारेर नियतवस मारेको आरोप लगाउदै चालकलाई हदैसम्मको कार्वाहीको माग गर्दै स्थानिय तथा आफन्तजनले राजमार्ग अवरुद्ध गराएका थिए । अबरुद्ध राजमार्ग खुलाउने क्रममा प्रहरीले अन्धाधुन्द लाठीचार्ज गरेको थियो । लाठिचार्ज भईरहेका बेला स्टुडियोमा लाईभ अपडेट गराईरहेका अधिकारीमाथि एक शशत्र प्रहरी जवानले लाठी बर्षाएका हुन् । पत्रकार परिचय पत्र देखाउ“दापनि प्रहरीले अधिकारीमाथि लाठिले हातमा प्रहार गरेको अधिकारीले बताएका छन् । प्रहरीको लाठी चार्जबाट अधिकारी सामान्य घाईते भएका छन् ।