सम्राट सिंह

बझाङ,१० चैत्र । विगत लामो समयदेखि भैरवनाथ गाविसको चौरमा त्रिपाल टाँगेर बस्दै आएका सुरेन्द्र दमाईको झुपडीको छाना मर्मतको लागि परोपकारी पत्रकार मञ्चले आहवान गरेको १ टिने अभियानमा सहयोग जुट्दै आएको छ । मञ्चले सहयोगी ब्यक्ती तथा संघ संस्थाहरुलाई भेटघाट तथा सामाजिक सञ्जाल फेसबुक मार्फत सहयोगको आह्वान गरेपछि परोपकारी ब्यक्ती तथा संघ संस्थाहरुले १ टिने अभियानमा हातेमालो गरेका छन । छाना सुधार अभियानमा सहयोग गर्ने प्रमुख जिल्ला अधिकारी हिरालाल चौधरीले १ टिन,प्रहरी नायव उपरिक्षक हिरा बहादुर पाण्डेले २ टिन र अनुसन्धान अधिकृत हरिष भट्टले १ टिन सहयोग गरेका छन ।

त्यसैगरी यूएनवमेनका कार्यक्रम संयोजक देवेन्द्र अधिकारी, बाल अधिकृत जगदिश सिंह,सामाजिक विकास केन्द्रका कार्यक्रम संयोजक बसन्त प्रताप सिंह,सुआहाराका पोषण अधिकृत असोक रावल, स्थानिय ब्यापारी नगेन्द्र खडका,दलित सहयोग समाजका अध्यक्ष सुनिल दमाई,सामाजिक तथा प्राविधिक विकास सेवा समुहका टिम लिडर कलक खत्री तथा बाल मन्दिर निमावि,खानेपानी तथा सरसफाई उपभोक्ता समिति अध्यक्ष लोकेन्द्र बहादुर बिष्टले एक–एक टिन सहयोग गर्ने भएका छन । विगत लामो समयदेखि सुरेन्द्र दमाई आफ्नो गरिबि अवस्थालाई सहयोग जुटाउनका लागि गाविस हुदै जिल्ला सम्म पुगेपनि कतैबाट सहयोग जुटेको थिएन । टिन जम्मा भएपछि पत्रकार सम्मेलन गरी टिन हस्तान्तरण गर्ने परोपकारी पत्रकार मञ्चका सचिव सम्राट सिंहले बताए ।