राष्ट्रिय खबर
पोखरा, ४ चैत्र । नेपाली कांग्रेसका वरिष्ठ नेता शेरवहादुर देउवाले आन्दोलनका कार्यक्रम फिर्ता नलिएसम्म एकीकृत माओवादी नेतृत्वको ३० दलीय मोर्चासंग वार्ता नगर्ने बताएका छन् ।
नेपाल प्रेस युनियन कास्कीले आज पोखरामा गरेको पत्रकार भेटमा उनले सहमतिमा संविधान वनाउने हो भने विपक्षीले आन्दोलन छोडेर वार्तामा आउनुको विकल्प नरहेको बताए ।
विपक्षीले हठ छोडे सहमतिबाट संविधान बन्ने देउवाको तर्क थियो । आफुले भनेका कुरा माने मात्रै सहमति हुने नत्र नहुने अडान राख्ने हो भने प्रकृयावाटै संविधान जारी हुने देउवाको स्पष्टोक्ति थियो । उनले एकीकृत माओवादीले संविधान सभा छोडे पनि संविधान चाहिं बन्ने बताए ।
प्रतिक्रिया