पाकिस्तान र वेष्ट इण्डिज जारी विश्वकपको क्वाटर फाइनलमा पुगेका छन् । आइतबार सकिएको दोश्रो खेलमा आयरल्याण्डलाई ७ विकेटले हराउँदै पाकिस्तान क्वाटर फाइनलमा पुगेको हो । पाकिस्तानले आयरल्याण्डलाई हराएपछि वेष्ट इण्डिजपनि अन्तिम ८ मा पुगेको छ । पाकिस्तान र आयरल्याण्डबीचको खेल बराबरी भएको भए वेष्ट इण्डिज बाहिरिने थियो ।

आयरल्याडसँगको खेलमा जितका लागि पाएको २ सय ३८ रनको लक्ष्य पाकिस्तानले ४६ दशमलव १ ओभरमा ३ विकेट गुमाएर पुरा गर्‍यो । पाकिस्तानलाई जिताउन शरफराज अहमदले नट आउट शतक पुरा गरे । यस्तै अहमद सेहजादले ६३ र कप्तान मिसवाह उल हकले ३९ रन बनाए ।

क्वाटर फाइनल समिकरण
चैत ४ गते श्रीलंकाविरुद्ध दक्षिण अफ्रिका
चैत ५ गते भारतविरुद्ध बंगलादेश
चैत ६ गते अष्ट्रेलियाविरुद्ध पाकिस्तान
चैत ७ गते न्युजिल्याण्डविरुद्ध वेष्ट इण्डिज