विश्वकप क्रिकेट अन्तर्गत न्यूजिल्याण्डको नेपियरमा सम्पन्न खेलमा युएईलाई ६ विकेटको फराकिलो अन्तरमा हराउँदै वेष्ट इन्डिजले अन्तिम आठमा पुग्ने संभावना बलियो बनाएको छ । वेष्ट इन्डिजको यो जितले समूहका अरु दुई टोली पाकिस्तान र आयरल्याण्डमाथिको दबाब बढेको छ । नेपियरमा आज विहान टस हारेर पहिले व्याटिङ गरेको युएईले ४८ औं ओभरमा अलआउट हुनुपुर्व १ सय ७५ रन बनायो ।

कुनै समय ४६ रन जोड्दा ६ विकेट गुमाईसकेको युएईको ईनीङ समाल्ने क्रममा नासीर अजीज र अम्जद जाभेदले सातौं विकेटको लागि १ सय ७ रनको साझेदारी गरेका थिए । अजीजले व्यक्तिगत ६० तथा जाभेदले ५६ रन जोडे । बलीङतर्फ वेष्ट इन्डिजका जेसन होल्डरले ४ विकेट लिए । जवाफमा १ सय ७६ रनको सामान्य लक्ष्य वेष्ट इंडीजले ३१ औं ओभरमा ४ विकेट गुमाएर पूरा गर्‍यो । वेष्ट इन्जिजको जितमा जोन्सन चाल्र्सको ५५ रन तथा जोनाथन कार्टरको अविजित ५० रन महत्वपूर्ण रह्यो ।