काठमाडौँ ,२९ फागुन ।  नेपाल पर्यटन पत्रकार मञ्च (टीजेएफ–नेपाल)को वार्षिकोत्सव चैत १२ गते हुने भएको छ । ठमेलस्थित होटल मनाङमा हुने तय भएको वार्षिक उत्सवको भव्य तयारी गरिरहेको मञ्चले जनाएको छ । पर्यटन क्षेत्रमा निकै महत्वका साथ हेरिएको सो वार्षिक उत्सवले पर्यटन पत्रकारहरुको हक, हित र अधिकारका लागि विशेष कार्यक्रम ल्याउने विश्वास मञ्चले लिएको छ ।

वार्षिक उत्सवलाई भव्य रुपमा सफल पार्नका लागि कार्यक्रमको उद्घाटन पञ्चैबाजा सहित गरिनेछ । कार्यक्रममा नेपाल सरकारका बहालवाला मन्त्रीहरु, सचिवहरु, सभाषद्हरु, लगायत विभिन्न पर्यटकीय संघसंस्थाका अध्यक्षहरु, प्रतिनिधिहरुका साथै पर्यटन विज्ञहरुको समत उपस्थिति रहने पनि मञ्चले जनाएको छ ।