काठमाडौं,२२ फागुन । नेपालीहरुको होली पर्वमा विदेशी पर्यटकहरु समेत रमाएका छन् । ति पर्यटकहरु समेत एकअर्कामा होली मनाउँदै नेपालीहरुसित समेत सद्भाव बाँडेका छन् । काठमाडौंको वसन्तपुरमा वाह्य पर्यटकहरुले रंग र अविर खेलेर होली मनाएका छन् ।

कतिपय पर्यटकहरु नेपालीहरुसित होली खेलेको देखिन्थ्यो भने कतिपय पर्यटकहरु एकआपसमै होलीको मस्ति लिएका देखिन्थे । अर्कोतर्फ केही पर्यटकहरुलाई भने अन्तर्राष्ट्रिय उडान बन्द भएकाले पनि होली मनाउने मौका जुरेको रैछ । बुधवार र विहिवार अन्तर्राष्ट्रिय उडान नहुँदा आफूहरुलाई होलीको मौका जुरेको पर्यटकहरुले बताए ।

काठमाडौंमा मात्र नभई पोखरामा पनि पर्यटकहरुले होली मनाएका छन् । पोखरामा होलीको अवसरमा विशेष कार्यक्रम समेत आयोजना गरी पर्यटकहरुलाई होलीमा रमाउने वातावरण दिलाइएको छ ।