लिभरपुलसँग पराजित भएपछि साविक विजेता म्यान्चेस्टर सिटी इंग्लिश प्रिमियर लिग फुटबलको उपाधि होडमा कमजोर बनेको छ ।
गएरातीको खेलमा लिभरपुलसँग २/० ले पराजित भएपछि म्यानचेस्टर सिटीले शीर्ष स्थानको चेल्सीसँगको अंक दुरी कम गर्ने अवसर गुमाएको हो ।
जोर्डन हेन्डरसनको गोलबाट अग्रता लिएको लिभरपुलका लागि फिलिप कौटिन्होको गोल निर्णायक सावित भयो । म्यान सिटीका एडिन जेकोले एक गोल फर्काए ।
यो जितसँगै २७ खेल सकिँदासम्म लिभरपुल ४८ अंकका साथ तालिकामा एक स्थानमाथि उक्लदै पाँचौ स्थानमा पुगेको छ । प्रिमियर लिगकै अर्को खेलमा आर्सनलले एभर्टन विरुद्ध २–० को जित निकाल्यो ।
खेलमा आर्सनललाई विजयी गराउन ओलिभर जिरु र टामस रोजिस्कीले एक एक गोल गरे । जीतसँगै २७ खेलबाट ५१ अंक जोडेको आर्सनल तेस्रो स्थानमा उक्लियो भने ५० अंकको म्यानचेस्टर युनाइडेट चौथो स्थानमा झरेको छ ।
प्रिमियर लिगमा २६ खेल खेलेको चेल्सी ६० अंकका साथ शीर्ष स्थानमा छ भने एक खेल बढी खेलेको म्यान्चेस्टर सिटी ५५ अंकका साथ दोस्रो स्थानमा रहेको छ ।