राष्ट्रिय खबर
मकवानपुर,१९ वैशाख । वर्षासँगै परेको चट्याङबाट मकवानपुरमा एक जनाको मृत्यु भएको छ । चट्याङ लागेर अन्य चारजना घाइते भएका छन् ।
मकवानपुरको नामटार-१ का गएराति चट्याङ पर्दा घरमालिक वीरबहादुर गोलेको घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ । चट्याङले घरमा समेत क्षति पुर्याएको प्रहरीले जनाएको छ ।
यसैगरी मकवानपुरकै चुरिमाइ-४ मा रहेको हर्कबहादुर घिसिङको घरमा चट्याङ पर्दा चारजना घाइते भएका छन् । घाइते चारै जनाको हेटौडा अस्पतालमा उपचार भइरहेको प्रहरीले जनाएको छ ।
प्रतिक्रिया