डा. पौडेलको घोषणापत्र, कार्यशैली, इमान्दारिता, लगनशीलता, प्रतिवद्धता र समाजसेवामा उहाँले पुर्याउनु भएको योगदानलाई मध्यनजर राख्दा उहाँ आप्रवासी नेपालीहरुका लागि योग्य उम्मेदवार हुनुहुन्छ, खड्काले स्पष्ट पार्नुभएको छ । गत बर्षको निर्वाचनमा उपाध्यक्षको उम्मेदवार हुँदा समझदारीमा आएर उहाँले पद त्याग गरेर उदारता देखाउनु भएको पनि खड्काले प्रष्टाउनुभएको छ । खोक्रा र गुलिया कुरामा विश्वास नगर्ने डा. पौडेल प्राज्ञिक, नम्र, भद्र र सालिन स्वभावको हुनुहन्छ, डा. खड्काले बताउनुभएको छ । सत्य तथ्यमा विश्वास गर्ने डा. पौडेल स्पष्ट लक्ष्य र योजनाका साथ अगाडि बढनु भएको उल्लेख गर्दै आफूले डा. पौडेललाई समर्थन गर्ने निधो गरेको खड्काले प्रष्ट पार्नुभएको छ ।

उहाँको अपिल जस्ताको त्यस्तैं
एन आर एन /एन सी सी यु यस ए अमेरिकाको अध्यक्ष तथा अन्य पदहरुमा उमेद्वारी दिने क्रम जारि छ। सबै उमेद्वारहरु आ -आफ्नो कार्यक्षेत्रमा दक्ष हुनुहुन्छ। खासगरी समाज सेवा गर्ने निस्वार्थ अभिलासा राखेर चुनाबी अभियानमा आउनु भएका यी समाजसेवीहरुको नियतमा शंका गर्नु आफैमा अपराध हो। तथापी सबै असलहरु मध्दे मैले कसलाई सघाउने त ? यहा मैले कसलाई सघाउने वा मेरो नजरमा को योग्य भन्ने कुरो महत्वपूर्ण नहुन सक्छ तर आप्राबासी नेपालीहरुका लागि को योग्य उमेद्वार हो त्यो महत्वपूर्ण कुरा हो। मेरो जचाईको कसीमा डा केसब पौड्याल यस पटकको अध्यक्षको लागि योग्यु हुनुहुन्छ र वहालाई यसपटक काम गर्ने अवसर दिनु पर्छ भन्ने मेरो ठम्याई छ। त्यसैले मैले डा केसब पौड्याललाई सघाउने निधो गरें।