एजेन्सी,७ फागुन । संसारको लगभग सबै देशमा प्रयोग भइरहेको गुगलको जिमेल सेवालाई चीनले भने पूरै प्रतिबन्ध लगाएको छ । प्रतिबन्ध लगाइएको कुरा गुगलको वल्र्डवाइड ट्राफिक इन्टेक्समा पनि देखाइएको छ ।

स्मरण रहोस्, चीनमा गुगल सर्च, इमेजेज, ट्रान्सलेट तथा अन्य प्रडक्ट जस्तै गुगल प्लस, जीच्याट तथा गुगल ड्राइभमा पहिले नै रोक लगाइसकिएको छ ।
जीमेलमाथिको प्रतिबन्धप्रति चीनका स्थानीय मानिसहरुले आफ्नो ट्विटर अकाउन्टमा रोष व्यक्त गरेका छन् । जिमेललाई अब थर्ड पार्टी एप जस्तै एप्पल मेल अथवा घरेलु इन्टरनेट प्रोभाइडर्समार्फत पनि प्रयोग गर्न नसकिने उनीहरुले बताएका छन् । यद्यपी, चिनियाँहरुले जीमेल प्रयोगका लागि प्राइभेट नेटवर्क, विपियन अथवा प्रोक्सी टुल्स प्रयोग गरिरहेको वाल स्ट्रिट जर्नलले बताएको छ ।