प्रविण टिबडेवाल / रौतहट ३  फाल्गुन ।
राजदेवी मिडिया सेन्टर द्धारा आयोजित तेस्रा महिला साईकल दौड प्रतियोगिता २०७१ को शनिवार छनौट प्रक्रिया सम्पन्न भएको छ । सदरमुकाम गौर स्थित राईस मिलको मैदानमा सम्पन्न छनौट प्रतियोगिता बाट यहि फाल्गुन ७ गतेका दिन प्रजातन्त्र दिवसको अवसरमा हुने उक्त प्रतियोगिताको फाईनल दौडका लागि ३० जना महिलाहरु छनौट भएका छन् ।

१५० जना महिलाहरुले सहभागिता जनाएको उक्त छनौट चरणका लागि १०÷१० जना सहभागी लाई १५ समूहमा विभाजन गरिएको थियो । प्रत्येक समूहबाट उत्कृष्ट २÷२ जना गरी जम्मा ३० जना महिला फाईनल प्रतियोगिताको लागि छनौट भएको आयोजक संस्थाका उपाध्यक्ष प्रविण टिबडेवालले जनाएका छन । प्रत्येक वर्ष हुने सो प्रतियोगिताको यस वर्ष तेस्रो संस्करणको आयोजनामा उत्साह बद्र्धक सहभागिताले महिलाहरु र उनका अभिभावकहरुमा राम्रो सन्देश पुर्याउन सफल भएको छनौट प्रतियोगिता हेर्न आएका दर्शकहरुले बताएका छन् ।
५ हजार भन्दा बढी दर्शकहरु मांझ सम्पन्न छनौट प्रतियोगिता बाट अन्तिम चरणका लागि छनौट भएका ३० जना मध्ये उत्कृष्ट २१ जनालाई साईकल तथा ९ जनालाई गिफ्ट हैम्फर पुरस्कार स्वरुप प्रदान गरिने आयोजक संस्थाका अध्यक्ष राम पुकार राउतले बताएका छन् ।

पूर्व प्रधानमन्त्री माधव कुमार नेपालको प्रमुख आतिथ्यमा हुने अन्तिम चरणको दौडमा १५ हजार भन्दा बढि दर्शक आउने अनुमान गरिएको छ । प्रतियोगिता स्थल र साईकल दौड हुने रुठ भरी नै नेपाल प्रहरी, सशस्त्र प्रहरी, ट्राफिक प्रहरी र विभिन्न संघ संस्थाका स्वयम् सेवकहरु परिचालन गरिने आयोजक संस्थाले जनाएको छ भने फाईनल चरणको दौड ७ कि.मी लामो हुने छ ।