नेपालगन्ज, १६ वैशाख  । हत्या, अपहरण र चन्दा असुलीमा संलग्न रहेको आरोपमा खोजि गरिएका बाँके वनकट्टी-४का छोट्टन भन्ने विनोद गोडियालाई नेपाल प्रहरीले भारतीय सीमानाबाट पक्राउ गरेको छ ।

चन्दा नदिएपछि गोडिया र राजेश यादव सहितको समूहले करिब एक महिना अघि चैत २८ गते वनकट्टीका ज्ञानप्रसाद वर्मालाई अपहरण गर्ने क्रममा गोली हानी घाइते बनाएका थिए । राजेश भने पक्राउ परेका छैनन् । 

गोडियालाई भारतीय प्रहरीको सहयोगमा नेपाल प्रहरीले सीमापारीबाटै नियन्त्रणमा लिएको हो । गोडियालाई समोबार दिउँसो बाँकेको होलिया ९ बाट पक्राउ गरिएको प्रहरीको दाबी छ ।

यसैक्रममा ज्यान मार्ने उद्योग गरेको आरोपमा कारकादो७ का योगेस घर्ती र ४ जना महिलाहरु लाई जागिर लगाई दिने प्रलोभन देखाई बच्ने उद्देश्यले भारत लैजान लागेको आरोपमा रुकुम रुघाका तपिलाल विकलाई पनि नियन्त्रणमा लिएको छ ।