वासिङ्गटन माघ २५– अमेरिकाको जर्जिया राज्यको डोङ्गलास्भिल्ले सहरका अवस्थित उपनगर एट्लान्टामा भएको एक गोली काण्डमा पाँच व्यक्तिको मृत्यु भएको स्थानीय अधिकारीहरुले सञ्चार माध्यमलाई शनिबार जानकारी दिएका छन् ।
सो हत्या काण्डमा बालबालिकासहित पाँच व्यक्तिको मृत्यु हुनुको साथै अन्य दुई घाइते भएका जनाइएको छ ।  गोली चलाउने व्यक्ति पनि घाइते भएको र उपचारको लागि अस्पताल लगिएको बताइएको छ । स्थानीय समयाअनुसार शनिबार अपराह्न ३ बजे सो घटना भएको थियो ।
गोली चलाउने व्यक्तिका बहिनीलाई प्रहरीले पक्राउ गरेर लादै गर्दा ‘मेरो भाइसँग बन्दुक नहुनु पने’ भनी ठूलो आवाजले कराएको उनका छिमेकीले डब्लुएसबी टिभी एट्लान्टालाई जनाएका छन् । सो गोली काण्ड के कारणले मच्चिएको हो सो भने प्रष्ट नभएको जनाइएको छ ।