काठमाडौँ । गायक भिम विसीले आफ्नो तेश्रो एल्बम तिमी करमको शिर्ष गीत सहितको भिडियो तिमी करम सार्वजनिक गरेका छन् । बिहिबार युट्बुम मार्फत सार्वजनिक गरिएको भिडियो समावेश एल्बममा ४ वटा गीत रहेका छन् ।

बिसीकै शब्द संगीत रहेको भिडियोलाई रन्धिर श्रेष्ठले निर्देशन गरेका छन् । भिडियोको छायांकन तथा सम्पादन पनि स्वयंम् श्रेष्ठको नै रहेको छ । भिडियोमा निर्देशक श्रेष्ठले मोडल मिराज विक्रम सिंह र उनकी मायालुका रुपमा भुमीका शर्मा बिचको रोमान्स कथालाई बुनेका छन् । पृथक शैलीमा खिचिएको भिडियोमा उनीहरुबिचको प्रेमालापलाई देखाइएको छ ।

जुन गीतलाई सुफी शैलीमा प्रस्तुत गरेको गायक बिसिले बताए । सुफी शैलीका गीतहरु नेपालमा चल्ने भएपनि यस्ता गीतहरु विरलै प्रलचलनमा आइरहेका बेला बिसी एल्बम मार्फत आफु स्थापीत हुनेमा विश्वस्त छन् । गायक बिसी चलचित्र फुटपाथबाट सुफी शैलीका गीतमा डेब्यु गरेका हुन् ।