पोखरा ,३ पौष । पोखरामा अन्तर्राष्ट्रिय विमानस्थल निर्माणको क्रममा मुआव्जाको बिषयलाई लिएर स्थानीयले प्रदर्शन गरेका छन् ।
प्रदर्शनको क्रममा पोखारास्थित नेपाल नागरिक उड्डयन प्राधिकरण क्षेत्रिय अन्तर्राष्ट्रिय निर्माण आयोजनामा तालाबन्दी गर्न पुगेका स्थानीय र प्रहरीबीच झडप समेत भएको छ ।
झडपको क्रममा प्रहरीले तीन राउण्ड अश्रुग्यास र लाठीचार्ज गर्दा पांच जना स्थानीय घाइते भएका छन् । झडपकै क्रममा तीन जना प्रहरी समेत घाइते भएका छन् ।
सरकारले पोखरामा अन्तर्राष्ट्रिय विमानस्थल निर्माणको लागि भन्दै ३१ सय ६ रोपनी जग्गा अधिग्रहण गरिसकेकोमा त्यो अपुग भएको भन्दै पुन ६ सय ३६ रोपनी जग्गा अधिग्रहण गर्न लागेको हो ।