मुम्बइ – यौन व्यवसाय गरेको आरोपमा पक्राउ परेर अदालतबाट सफाइ पाएकी बलिउड अभिनेत्री श्वेता वशुले ‘सेक्स’ तथा ‘यौन’ शब्द प्रयोगमा ख्याल गर्न आग्रह गरेकी छिन्।
अदालतबाट सफाइ पाएपछि मिडियासँग कुरा गर्दै उनले ‘सेक्स’ शब्दले मान्छेलाई उत्तेजित बनाउने र एकतर्फी आरोप लगाउने गरेको बताइन्।
‘हामी यत्ति पनि बिचार गर्दनौँ कि सेक्स शब्दले मानिसहरू कत्ति उत्तेजित हुन्छन्, जब यो शब्द मिडियामा आउँछ अनि हामी केही पनि बिचार गरेर यो शब्द प्रशार गर्छाै’ उनले भनिन् ‘सत्य के हो त्यो नबुझेर हामी शब्दका पछि लाग्छौँ।’
हायदरावादको एक होटेलबाट उनी यौन धन्दा गरेको आरोपमा पक्राउ परेकी थिइन्। पछि आरोप प्रमाणित हुन नसकेपछि उनलाई अदालतले सफाइ दिएको थियो।
उनले आफू त्यो होटेलमा कुनै कार्यक्रमको लागि गएको बताएकी छिन्।‘जुन होटेलमा प्रहरीले छापा मार्यो त्यो होटेलमा म अरु नै कार्यक्रमको गएकी थिएँ, कसैले गलत सूचना दियो र त्यस्तो हुन गयो’ उनले भनिन्। एजेन्सी
राष्ट्रिय खबर
प्रतिक्रिया