काठमाडौँ,२३ मङ्सिर । संस्कृतमा बेसारलाई ‘कृमृघ्ना’ भनिन्छ, जसको अर्थ हुन्छ— कीटनाशक ।

– दूधमा  बेसार हालेर दैनिक खाँदा रुघा-खोकी तथा चिसोले सताउँदैन भने आन्तरिक घाउ पनि ठीक हुन्छ ।

– ईएनटी अर्थात् नाक, कान, घाँटीको समस्या हुनेहरूका लागि ज्यादै उपयोगी छ बेसार । परम्परागत रूपमै हामीले यसको प्रयोग गर्दै आएका छौं ।

– छातीमा कफ जमेको छ, खोकी लागेको छ भने दुई दाना मरिच, एक चिम्टी बेसार घिउमा मिसाएर बनाइएको लेपले छातीमा हल्का मालिस गर्दा फाइदा हुन्छ ।

– पुरानो खोकी (सुख्खा होस वा अन्य) भने को टुक्रा चुस्ने । राति पनि बेसारको टुक्रा मुखमा राखेर सुत्ने ।

– बेसारको सेवनले रगत शुद्ध बनाउँछ ।

– पिलो तथा घाउमा बेसार लगाउँदा फाइदा हुन्छ ।

– बेसार एन्टिबायोटिक पनि हो । आधुनिक चिकित्सा पद्धतिमा दिइने एन्टिबायोटिकले मित्र जीवहरूलाई पनि नष्ट गर्छ, तर बेसारले शत्रु जीवलाई मात्र नष्ट गर्छ ।

– सौन्दर्य प्रशाधनमा पनि बेसार प्रयोग हुन्छ । बेसार, चनाको बेसन तथा तोरीको तेल एक साथ प्रयोग गर्ने हो भने अझ राम्रो हुन्छ ।

– बेसारमा भएको तैलीय पदार्थ शरीरले सहजै ग्रहण गर्छ र शरीर सुन्दर देखिन्छ ।

– जन्डिसमा २-३ ग्राम बेसार मोहीका साथ खाँदा फाइदा पुग्छ ।

– बेसारमा मानव शरीरलाई स्वस्थ तथा सुदृढ बनाउन आवश्यक सबै गुण विद्यमान छ ।

अहमदाबाद (भारत) । मेघा शाह, ४० वर्षीया एकाउन्टेन, अमेरिकामा बस्ने गर्छिन् । उनलाई त्यतिबेला झट्का लाग्यो जब डाक्टरहरुले उनलाई क्यान्सर भएको बताए । मेघालाई आफ्नो जिन्दगी क्षणभरमै चकनाचुर भएझैं लाग्यो । उनले संसार अध्यारो देख्न थालिन् । यसपछि उनको जीवनमा यस्तो चमत्कार भयो कि जसको अपेक्षा उनी स्वयम्ले पनि गरेकी थिइनन् । नवभारत टाइम्सका अनुसार, सात हप्ताको बीचमा मेघाको ट्यूमरको आकार घट्न थाल्यो । अहिले उनको क्यान्सर बिस्तारै निको हुँदै गएको प्रिय खबर त्यही डाक्टरहरुले बताउँदैछन्, जसले उनलाई क्यान्सर भएको अप्रिय खबर सुनाएका थिए । के तपाईंलाई थाहा छ, उनको जीवनमा यस्तो चमत्कार ल्याउने जादुमयी औषधी के होला ? धेरै टाढा टाढा सोच्नुपर्दैन, त्यो जादुमयी औषधी हो तपाईं हाम्रै करेसाबारी र वरिपरि पसलमा सजिलै पाइने बेसार । हजुर, बेसारमा क्यान्सर निको बनाउने चमत्कारिक गुण हुन्छ । मेघालाई १० हप्तासम्म हरेक दिन १० ग्राम बेसार आफ्नो खानामा राखेर खानको लागि सुझाइएको थियो । यसको परिणाम यति सुखद निस्कियो कि उनको स्वास्थ्यमा चामत्कारिक परिवर्तन आउन थाल्यो । यतिसम्म कि उनलाई किमोथेरापीको जरुरत नै परेन । यतिबेला उनी सुखद र स्वस्थ जीवन बाँचिरहेकी छिन् । भारतीयमुलका डाक्टर भरत अग्रवालले क्यान्सरको उपचारको लागि एक ‘Lessons to be learnt about curcumin from clinical trials’ नामको अध्ययन सम्पन्न गरेका छन् । मेघा शाह पनि त्यही अध्ययनको एक सहभागी हुन् । डा.अग्रवालले आफ्नो अनुसन्धानको नतिजा गुजराज क्यान्सर रिसर्च इन्स्टिच्युट(GCRI) मा पेश गरेका छन् । उनका अनुसार अमेरिकामा रहेका १०० बिरामीमाथि यो परीक्षण गरिएको थियो । उपचारको क्रममा उनले आफ्नो खानामा बेसारको उल्लेख्य प्रयोग गर्ने सल्लाह थिए । डा.अग्रवालका अनुसार अनुसन्धानको क्रममा क्यान्सर रोगीलाई बेसारको प्रयोगले धेरै फाइदा पुर्याउन सक्ने पत्ता लागेको बताएका छन् ।  एजेन्सी