नयाँ दिल्ली, भारतीय टेलिभिजनको चर्चित रियालिटी शो बिग बोस-७ की विजेता गौहर खानलाइ आइतबार एक रियालिटी शो का क्रममा स्टेजमा एक जना दर्शकले झाप्पु हानेका छन । सूत्रहरूका अनुसार अकील मलिक नामका ती व्यक्तिले उनको गालामा झाप्पु लगाएका थिए ।
मोडलबाट अभिनेत्री बनिसकेकी गौहर खान यस शो को ग्राण्ड फिनालेको एङ्करिङ गरिरहेकी थिइन । सूत्रका अनुसार आरोपी दुइ हजार दर्शकहरूको भीडमा थिए । शो का क्रममा उनले गौहरलाइ निकै जिस्काइरहेका थिए । गौहरले यस कुराको विरोध गरिन, तर यस घटनाले एकदमै नयाँ मोड लिएको थियो । उक्त रियालिटी शो सकिने बित्तिकै ती व्यक्ति स्टेजमा चढे र उनले यी अभिनेत्रीमाथि झाप्पड लगाइदिए । यस घटनापछि गौहर खान अचम्मित मात्र भइनन, उनी रून पनि थालिन ।
यद्दपी, बाउन्सरले झाप्पड हान्ने ती व्यक्तिलाइ नियन्त्रणमा लिएका थिए । सूत्रका अनुसार आरोपीलाइ मुम्बई पुलिसले हिरासतमा लिएको छ । गौहरले आज (सोमवार) प्रहरीमा यसको रपोर्ट गर्ने बताएकी छन ।
राष्ट्रिय खबर
प्रतिक्रिया