राष्ट्रिय खबर
पहिलो एल्बम सत्यताबाटै झण्डै आधा दर्जन अवार्ड हात पारेका गीतकार गोविन्दप्रसाद उपाध्यायको दोस्रो एल्बम सत्यता–२ ले पनि सांगीतिक क्षेत्रमा प्रभाव जमाउँदै छ । केही समय अघि सार्वजनिक भएको उनको दोस्रो एल्बमका गीतहरु अहिले देशभरकै एफएम रेडियोहरुमा श्रोतको रोजाइमा परिरहेका छन् ।सत्यता २ मा गीतकार उपाध्यायले ७ वटा गीत राखेका छन् । गीतहरुमा अञ्जु पन्त, शिव परियार, आस्था राउत, राज सिग्देल, मनोजराज, पुष्पन प्रधान, निकिता थापा र युवराज चौलागाईले स्वर दिएका छन् । एल्वमका गीतहरुमा हरि लम्सालको एकल संगीत रहेको छ ।
पहिलो एल्बमले नै सांगीतिक क्षेत्रमा स्थापित गरे पछि मख्ख परेका उपाध्याय दोस्रो एल्बमलाई पनि श्रोताले रुचाएकोमा थप उत्साहित बनेका छन् । श्रोताले यस्तै माया गर्दै गए निरन्तर संगीत क्षेत्रमा लागिरहने उनले बताएका छन् । पछिल्लो समय उनी चलचित्रका गीतहरुमा समेत शव्द लेख्न थालेका छन् । उपाध्याय एपेक्स डेभलपमेन्ट ब्यांकमा सिइओ समेत हुन् । यसअघि उनी ज्योती ब्यांकको सिइओ थिए ।
प्रतिक्रिया