मुम्बइ, भारतीय फिल्म उद्योग बलिउडका वादशाह शाहरुख खान हिजोआज आफ्नो सुरक्षामा निकै चनाखो भएका छन । यसका लागी उनले केही समय अघि मात्र आफु र आफ्नी श्रीमतीका लागि एउटा करोडौं मूल्यको बुलेटप्रुफ कार समेत किनेका छन । उनले यो कार किन्नुको पछाडीको रहस्य भने गम्भिर रहेको बताइन्छ । केही समय अघि मात्र यी किङ खानका निकै नजिकका मित्र करिम मोरानीको घर अगाडि अन्डरवल्र्डका केही शूटरहरूले फायरिङ गरेका थिए । बताइए अनुसार यसपछि उनीहरूले शाहरुखमाथि आक्रमण गर्ने तयारी गरेका थिए ।
दुइ दिन पहिले मात्र करिम मोरानीको घर अगाडि फायरिङ गर्ने १३ जना शूटरहरूलाइ मुम्बई प्रहरीले पक्राउ गरेपछि उनीहरूले दिएको बयानमा आफूहरुको शहरुख खान तथा र फराहा खान माथि आक्रमण गर्ने तयारी गरेको कुराको खुलासा गरेका छन् ।
भारतीय मिडियाहरूका अनुसार यो आक्रमणको पछाडी डन रवि पुजारीको हात रहेको छ । उनकै योजना अनुसार बलिउड निर्माता निर्देशक मशेश भट्टलाइ आक्रमण गर्ने योजना बनाइरहेकै बेला प्रहरीले ती शूटरहरूलाइ पक्राउ गरेको थियो ।बताइए अनुसार यदि यी शुटरहरू पक्राउ नपरेका भए बलिउड अभिनेता शाहरुख खान तथा निर्देशक फराहा खानमाथि गम्भिर आक्रमण हुन सक्नेथियो ।
पछिल्लो समय बलिउडका ठुला हस्तीहरूमाथि आक्रमणको योजना बनाइरहेका अन्डरवल्र्डका शूटरहरूको गिरफ्तारीपछि निकै ठुलो गम्भिर दुर्घटना हुनबाट उनीहरू बचेको कुरा मुम्बइ प्रहरीले जनाएको छ ।प्रहरीले बलिउडका अन्य हस्तीहरूमाथि पनि आक्रमण हुन सक्ने भन्दै गुप्त रूपमा अनुसन्धान गरिरहेको जनाएको छ।
राष्ट्रिय खबर
प्रतिक्रिया