सुभद्रा भण्डारी ।  मंगलवार विहान इजरायलको राजधानी जेरुशलेममा एउटा शक्तिशाली वम विस्फोटमा परी ५  जनाको ज्यान गएको छ भने अन्य ८ जना घाइते भएका छन् जसमध्ये ३ जनाको अवस्था गम्भिर रहेको छ । उक्त विस्फोटको हालसम्म कुनै समुहले जिम्मेवारी नलिएको समाचारमा जनाईएको छ ।
इजरायलीसंचार माध्याममा जनाईए अनुसार, पूर्वी जेरुशलेमवाट आएका २ आतंकवादीहरु चक्कु र पेस्तोलसहित वेतकेनेसेट ( यहुदीहरूको प्राथना गर्ने स्थल ) र रव्निकल धार्मिक स्कुलमा प्रवेश गरी उत्त क्षेत्रमा आक्रमण गरेका थिए । सोही समयमा फायरिङ गर्दै घटनास्थल पुगेका इजरायलप्रहरीद्वारा ति आतंकवादीहरु मारिएका थिए । इजरायलको जेरूशलेम जिल्लाका प्रहरी प्रमुख मोसे एड्री आतंकवादीको आक्रमणवाट गम्भिर घाईते भएको जनाईएको छ ।