बुढानीलकण्ठ । बुढानीलकण्ठ नगरपालिका वडा नं. ६  ले  बालबालिकासँग वडा अध्यक्ष कार्यक्रम  गर्ने  भएको छ।

“बालबालिकाका सवालमा वडा अध्यक्ष संग सवाल जवाफ” भन्ने उदेश्यकाका  साथ माघ १८ गते शुक्रबार  वडा नं. ६ भित्र रहेका विद्यालयका विद्यार्थीहरुको सहभागितामा कार्यक्रम गर्न लागिएको वडा अध्यक्ष रबि खड्काले जानकारी दिनुभयो ।

कार्यक्रमका वडा अध्यक्ष रबि खड्काले वडा भित्र रहेका बिभिन्न कार्ययोजना तथा भए गरेका कार्यक्रमका विषयमा जानकारी गराउने र सहभागी विद्यार्थिहरुले विकाश निर्माणका काम ,वडाले प्रदान गर्ने सेवा, विद्यालयमा भए गरिएका विभिन्न कार्यक्रमहरूको विषय प्रश्न उतर रहने वडा अध्यक्ष खड्काले जानकारी दिए  ।

विद्यार्थीहरुले राखेका प्रश्नको जवाफ वडा अध्यक्ष सहित वडा जनप्रतिनिधिले समेत  बालबालिकाको सवालमा रहेर सवाल जवाफ हुनेछ  ।