काठमाडौं । बुढानीलकण्ठ ७ कपनमा रहेको बिएमजे रिलोडेड फ्रेण्डस् एण्ड फिटनेस ले आफ्नो नियमित कार्यक्रमको निरन्तरन्तरता स्वरुप बिएमजे प्रिमियर लिग २०८१ विन्टर सिजन फुटसल प्रतियोगिता आयोजना गरेको छ ।
वस्थ्य जिवनको लागि खेल,राष्ट्रको लागि खेल भन्ने मान्यताको साथ आजभोलि मनोरन्जनको लागि पनि खेल बन्दै गईरहेको अवस्थामा यो प्रतियोगिता आयोजना गरिएको हो ।
यहि मंसिर १६ बाट शुरु भएको प्रतियोगिता फागुन २५ गते सम्म चल्ने छ । कपन स्पोर्टस् को फुटसल मैदानमा हुने प्रतियोगितामा माउन्ट कन्चनजंघा,माउन्ट सगरमाथा,माउन्ट ल्होत्से,माउन्टमकालु गरि ४ टिमले भागलिने आयोजक संस्थाले जानकारी गराएको छ ।
कार्यक्रमलाई भब्य र सभ्य बनाउन यतिबेला आयोजक टिमका सबै सदस्यहरु अहोरात्र खटिरहेको आयोजक संस्थाका अध्यक्ष पवन खत्रीले जानकारी गराएका छन् ।
यो संस्थाले यसभन्दा अगाडी पनि बिभिन्न सामाजिक कामहरुमा सकृय सहभागिता जनाउँदै आएको छ ।