बलिउडकी चर्चित नायिका ममता कुलकर्णीलाई ड्रग्स तस्करीको आरोपमा केन्याको प्रहरीले पक्राउ गरेको छ ।
ममताका पती विकी गोस्वामीलाई भने हिरासतमा राखिएको भारतीय संचारमाध्यमले जनाएका छन् ।
बलिउडमा ९० को दशकमा आफ्नो अभिनय र हट दृश्यका कारण ममता चर्चामा थिइन् । उनले बलिउडका चर्चित कलाकारहरुसँग काम गरेकी छिन् ।
केन्याको मोमास्सामा ममता र उनका पतीलाई गहिरो सोधपुछ गरिएको छ । यो अप्रेशनमा विभिन्न ४ व्यक्तिलाई पक्राउ गरिएको छ ।
ममताले ‘घातक’, ‘करण अर्जुन’, ‘बाजी’ जस्ता बलिउड चलचित्रमा काम गरेकी थिइन् ।
उनी विगत केही बर्षदेखि अध्यात्मतर्फ लागेकी थिइन् । उनी हाल ‘अटोबायोग्राफी अफ एन योगिनी’ नामक पुस्तक लेखिरहेकी छिन् ।
तर, केन्या प्रहरीले अहिलेसम्म ममतालाई लगाइएको आरोपको भने खुलासा गरेको छैन ।
राष्ट्रिय खबर
प्रतिक्रिया