काठमाडौं । संवैधानिक परिषदको बैठकले निर्वाचन आयोगको रिक्त रहेको आयुक्त पदमा कृष्णमान प्रधानलाई सिफारिस गरेको छ ।

आइतबार  बसेको बैठकले निर्वाचन आयोगसहित प्राकृतिक स्रोत तथा वित्त आयोग, समावेशी आयोग र मुस्लिम आयोगमा एक–एकजना सदस्य नियुक्तिको लागि सिफारिस गर्ने विषयमा निर्णय गर्ने तयारी थियो । तर, निर्वाचन आयोगबाहेक अन्यमा भने सहमति हुन नसकेको बताइएको छ ।

प्रधानमन्त्रीको अध्यक्षतामा बस्ने संवैधानिक परिषद्को बैठकमा प्रतिनिधि सभाका सभामुख, राष्ट्रिय सभा अध्यक्ष, प्रधानन्यायाधीश, प्रमुख प्रतिपक्षी दलका नेता  र प्रतिनिधि सभाको उपसभामुख सदस्य रहने व्यवस्था रहेको छ । आयोगको आयुक्त पदमा नियुक्तिका लागि सिफारिस भएका प्रधान लामो समयदेखि नेपाल कानुन समाज नामक गैर सरकारी संस्थामा कार्यरत थिए ।