ब्युटी सेक्रेटद्वारा आयोजित ब्राइडल मेकअप कम्पिटिसन–२०२४ गत शनिबार स्मार्ट महल धुम्बाराहीमा सम्पन्न भएको छ । प्रतियोगिता भिन्न अडिसनवाट छानिएका मेकअप आट्स्टिहरुले आ-आफ्ना मोडललाई ब्राइडल थिममा मेकअप गराइ र्‍याम्पमा उतारेका थिए । प्रतियोगितामा मेकअप आर्टिस्ट मनिशा तामांग विजयी भइन् भने सोनु राइ फस्ट रनर अप र नम्रता चौधरी सेकेन्ड रनर अप भए ।

यस प्रतियोगितामा उत्कृष्ट भएपबात मनिशा तामांगले नगद ३० हजार रुपैया सहित क्राउन र विभिन्न उपहार प्राप्त गरेकी छन् । फस्ट रनरअप सोनु राइले २० हजार रुपैया र नम्रता चौधरी सेकेन्ड रनर अप हुदै १० हजार रुपैया सहित विभिन्न उपहार प्राप्त गरिन् ।

भारत बाट आएका मेकअप आर्टिस्ट अमन यादवले मेकअप र हेयर तथा ब्लो ड्रायरका बिषयमा प्रशिक्षण दिएका थिए यस्तै व्यक्तित्व बिकास कसरि गर्ने भन्ने बिषयमा मिस नेवा फस्ट विनर एलिसा बज्राचार्यले प्रशिक्षण दिनुभएको थियो । मेकअप आर्टिस्ट तथा ब्युटिसियनहरुको बेहुली शृंगार कलालाई बाहिर ल्याउन यो एकदिवसीय प्रतियोगिता गरिएको कार्यक्रमकी आयोजक तथा ब्युटी सेक्रेटकी अध्यक्ष सुमी रंजितले जानकारी दिनुभयो