काठमाडौँ । श्रीमान र श्रीमती बीचको यौन सम्बन्धलाई राम्रो बनाउन सर्वप्रथम त एक अर्काप्रतिको सम्मान गर्ने स्वाभावमा कमी आउन दिनु हुँदैन ।
एक(अर्काप्रतिको आकर्षणमा कमी आएमा श्रीमान र श्रीमतीको यौन सम्बन्धमा खटपट हुन सक्छ ।

मानसिक तनावका स्रोत धेरै हुन सक्छन्। तिनीहरूका बारेमा पत्ता लगाउने र त्यसलाई न्यूनीकरण गर्नेतिर जोड दिनुपर्ने हुन्छ। हाम्रो समाजमा धेरै मानिस दुई दम्पतीबीचको सम्बन्धमा पनि सामाजिक व्यवहार, सामाजिक प्रतिष्ठा, आर्थिक हैसियत आदिलाई ध्यान दिन्छन्, तर प्रेमपूर्ण संवाद, एक–अर्काप्रति व्यक्त गरिने आदर, सम्मान एवम् यौनसम्बन्धलाई त्यति महत्त्व दिएको पाइँदैन।

एक– अर्कालाई राम्रोसँग बुझ्ने प्रयास नगर्दा पारिवारिक असन्तुष्टि र कलह हुन्छ। त्यसले यौन सम्बन्धमा पनि प्रत्यक्ष असर गर्छ ।

श्रीमानले श्रीमतीलाई दोष लगाउन थालेमा यौन जीवनमा समस्या सिर्जना हुन सक्छ ।

आफ्नी श्रीमतीसँगको सम्बन्ध जीवनभर चाहने हो भने आफू र श्रीमतीको यौन ईच्छाप्रतिको बुझाइलाई बढावा दिनु आवश्यक हुन्छ। दुई जनाबीचको यौनचाहनालाई लिएर भावना साटासाट वा भावना सञ्चार गर्नुपर्ने हुन्छ।

एक–अर्काको शरीरलाई बाहिरबाट हरेक दिन नजिकबाट नियाल्नु, प्रशंसा गर्नु पनि राम्रो उपाय हो।