काठमाडौं – यस वर्ष नेपालमा वलिवुडका कलाकारहरु आउने लर्को नै चलेको छ । कोही सामजिक कार्यक्रम त कोही फेसन शो र कोही व्यक्तिगत भ्रमणका क्रममा नेपाल भ्रमणमा आइरहेका छन् । हिजो मात्र चर्चित बलिवुड सेलिब्रेटी रविना टण्डन काठमाडौंमा एक फेसन

शोमा भाग लिएकी छिन् ।   यही क्रममा नेपालमा आउने अर्की बलिवुड नायिका हुन्, गुल पनाग । डोर, हेलो जस्ता चलचित्रमा अभिनय गरेकी गुल पानागले सन् १९९९ मा मिस इन्डियाको उपाधि पनि जितेकी थिइन् । उनले नोभेम्बर ५ मा ट्वीट गर्दै काठमाडौं आइपुगेको जानकारी गराएकी थिइन् ।   उनी नेपालमा ब्लु माइल टिमसँग एभरेस्ट बेस क्याम्पसम्म ट्रेकिङ गर्ने छिन् । पछिल्लो ट्वीट अनुसार उनी लुक्ला पुगेकी छिन् ।