काठमाडौँ,३ कार्तिक ।  नेपाल पर्यटन पत्रकार मञ्च (टीजेएफ–नेपाल)द्वारा आज होटल उडल्याण्ड काठमाडौंमा तिहार तथा छठ शुभकामना आदान–प्रदान समारोह भव्यताका साथ सम्पन्न भएको छ l पर्यटन विभागका नवनियुक्त महानिर्देशक तुल्सी प्रसाद गौतमलाई स्वागत तथा बधाई ज्ञापन गरिएको थियो  ।  

नेपाल पर्यटन पत्रकार मञ्च (टीजेएफ–नेपालका कानूनी सल्लाहकारमा ठमेल पर्यटन विकास परिषद्का अध्यक्ष रामशरण थपलिया, सल्लाहकारमा गैरराजनीतिक व्यक्तित्व मनोज कुमार श्रेष्ठ र रमेश त्रिपाठीलाई मनोनयन पत्र प्रदान गरियो । सोहि कार्यक्रममा  सगरमाथा आरोहण अभियान अन्र्तगत मेरा पिक आरोहण गर्न लागेकी टीजेएफ–नेपालको कार्य समिति सदस्य कल्पना मर्हजनलाई शुभकामना तथा विदाई समेत गरिएको थियो  ।टीजेएफ–नेपालको लोगो अंकित व्यानर आरोहण गर्न लागेकी कल्पना मर्हजनलाई प्रदान गरियो ।