काठमाडौं। नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईले नेकपा (माओवादी केन्द्र) का अध्यक्ष पुष्पकमल दाहाललाई चुनाव जित्नको लागि अग्रिम शुभकामना दिएका छन् ।

प्रचण्ड यसपटक गोरखा-२ बाट चुनाव लड्ने भएका छन् । सो क्षेत्रबाट यसअघि बाबुरामले चुनाव जित्दै आएका थिए । भट्टराईले दाहालले गोरखा २ बाट चुनाव लड्ने निर्णयको स्वागत गर्दै शानदार विजयको लागि अग्रिम शुभकामना दिएका हुन् ।

आज (शनिबार) बिहान सामाजिक सञ्जाल ट्विटरमार्फत भट्टराईले प्रचण्डको गोरखा-२ बाट उम्मेदावरी निकै ठूलो सांकेतिक महत्वको रहेको उल्लेख गरेको छ । उनले लेखेका छन,‘मैले प्रतिनिधित्व गर्दै आएको गोरखा-२ बाट यसपटक क। पुष्पकमल दाहाल ुप्रचण्डु प्रत्यासी बन्ने निर्णयको म अन्तरहृदयदेखि स्वागत गर्दछु। वर्तमान नेपाल राज्यको उद्गमथलो लिगलिगकोटसमेत रहेको यस क्षेत्रबाट उहाँको उम्मेदवारी निकै ठूलो सांकेतिक महत्वको छ। उहाँको शानदार विजयको हार्दिक शुभकामना !”