काठमाडौं । निलम्बित प्रधानन्यायाधीश चोलेन्द्रशमशेर जबराको बयान आगामी २५ गतेसम्मका लागि स्थगित गरिएको छ । आइतबार बसेको महाभियोग सिफारिस समितिको बैठकले अर्को बैठक २५ गते बस्नेगरी स्थगित गरेको हो ।

जबराले रन्जन कोइरालाको फैसलाबारे दुई बच्चाको लागि न्यायाधीशको विवेक प्रयोग गरेको बताएका छन् । जन्मकैद मुलुकी व्यवस्था अनुसार सजायमा न्यायाधीशको विवेक प्रयोग गर्ने अधिकारको प्रयोग गरेको समेत उनले स्पष्ट पारेका हुन् ।

जबराले श्रीमतीको हत्या गरेर जंगलमा फालेको अभियोग लागेका कोइरालालाई २० वर्ष सजाय घटाएर ८ वर्षमा झारेका थिए । उनले कोइरालाकै कारण महाभियोग लगाइएको हो भने जनतासमक्ष माफी माग्ने पनि बताए ।