जनार्दन शर्मामाथि किन खनिए शंकर पोखरेल ?

mukunda500.dhungana@gmail.com' rastriyakhabar
१९ श्रावण २०७९, बिहीबार ०५:३९

दाङ । प्रमुख प्रतिपक्षी दल नेकपा (एमाले) का महासचिव शंकर पोखरेलले अर्थमन्त्री जनार्दन शर्मालाई जनताले सजाय दिने टिप्पणी गरेका छन् । उनले शर्माले व्यापारिक घरानासँगको साँठगाँठमा बजेट ल्याएको आरोप लगाउँदै जनताले अब सजाय दिने बताएका हुन् ।

प्रेस चौतारी दाङले आज (बुधबार) तुलसीपुरमा आयोजना गरेको पत्रकार सम्मेलनमा बोल्दै उनले यस्तो आरोप लगाएका हुन् । उनले शर्माले बजेट माफियाकरण गरेको आरोप लगाउँदै भने,‘अहिले देउवा र प्रचण्डका नजरमा त उनी चोखिएलान् । तर, जनताले सजाय दिनेछन् ।’ उनले वर्तमान सरकारले मंसिरमा हुनुपर्ने निर्वाचनको मिति घोषणा गर्नपनि अलमल गरेको आरोप लगाए ।

उनले वर्तमान सरकारले देश र जनताको हितमा काम गर्न नसकेको आरोप लगाए । उनले आफूहरु नेतृत्वको सरकारले आर्थिक सूचांक राम्रो अवस्थामा छोडेको पनि स्मरण गराए । उनले एमाले सरकारमा रहँदा विदेशी मुद्राको सञ्चिती राम्रो रहेको पनि तथ्यांक सुनाए । एमालेको सरकारले पुँजीगत खर्च गर्ने मामिलामा पनि अघि रहेको उनको दाबी छ ।

प्रतिक्रिया

Nepali Date Converter

Nepali Date Converter

बिहिबार, चैत्र १५, २०८०