काठमाडौं । काठमाडौं उपत्यकाभित्रका विभिन्न ब्यबस्थापन संकाय तथा अन्य क्याम्पसका नेविसंघ इकाइ समितिहरुले त्रिभुवन विश्वविद्यालयको रजिस्ट्रार र ब्यबस्थापन सन्काय डिन कार्यालयमा ताला लगाएका छन्।

त्रि बि को परिक्षा समितिका अध्यक्ष तथा रजिस्टार पेशल दाहालको राजिनामा र व्यवस्थापन संकायका सम्पुर्ण पदाधिकारीहरुलार्इ कारबाहीको माग गरेको ने.बि.संघका नेता दिपक ओझाले बताए ।

असार २२ गते बि.बि.ए. छैटौं सेमेस्टरको MGT २०३: organization behaviour बिषयको प्रश्नपत्र मोर्डन कलेजको ‘प्रि-बोर्ड’ परीक्षाको प्रश्नसँग हुबहु मिलेपछि परीक्षा रद्ध गरिएको थियो भने पुनः असार २४ गते BBA 6th Semester (Nepalese Society and Politics) को परिक्षामा 5th सेमेस्टरको (Sociology) को प्रश्न पत्र सोधिएको थियो ।

असार २२ र २४ गतेका दुबै परीक्षा रद्ध हुँदा विद्यार्थी भबिस्य माथी गम्भीर खेलवाड भएको र परिक्षामा पनि अत्यधिक लापरबाही भैरहेकोले जिम्मेवार पदमा बसेका सबैले राजीनामा र अन्य कारबाही गरिनुपर्ने नेता ओझाले बताए ।

नेविसंघ नेताहरू दिपक ओझा , सरोज तिमिल्सिना, राजेश काफ्ले , सन्तोस श्रेष्ठ बिष्णु हरि खड्का , चिरञ्जीवी न्यौपाने , सुबाश घिमिरे , सहदेब तिमिल्सिना ,जगत ऐर ,अरुण के सि , सन्जय बुढाथोकी , श्याम ओझा , दण्डि राज जोशी , शिर्जना मल्ल सन्तोष गौतम लगायतले त्रिविले परीक्षामा लापरबाही गरेको भन्दै शसक्त विरोध गरेका छन्।

त्रिबि परिक्षा समितिका अध्यक्ष तथा रजिस्टार पेशल दाहाल र व्यवस्थापन संकायका सम्पुर्ण पदाधिकारीको कारबाही र राजीनामा नदिएसम्म ताला नखुल्ने संघका नेता सहदेव तिमल्सिनाले बताए। यसअघि नेविसंघका केन्द्रीय अध्यक्ष दुजाङ शेर्पाले विज्ञप्ति जारी गर्दै त्रिविका परीक्षामा लापरबाही देखिएकोले उपकुलपति लगाएत सम्पुर्ण पदाधिकारीले राजीनामा दिनुपर्ने बताएका थिए।